De carácter histórico:
O desenvolvemento de Oia aparece ligado na Idade Media á fundación do mosteiro de Santa María de Oia por parte do rei Afonso VII en 1132. Este mosteiro cisterciense esta emprazado fronte ao mar e é de estilo gótico.
Na zona consérvanse vestixios arqueolóxicos de grande interese como as estacións de arte rupestre de Cabeciña, en Mougás; Pedra do Cazador, en Pedornes, con escenas de caza; Pedra Escrita, en Burgueira, coa gravura dun enorme labirinto de 110 cm. de diámetro; ou Auga dos Cebros, en Pedornes, onde se representa unha embarcación co seu mastro e velame.
De carácter tradicional:
En Oia mantense viva a tradición da Rapa das Bestas. A existencia de cabalos xa está documentada nalgúns petroglifos da comarca, pero foron os monxes do mosteiro os que lle deron un pulo á crianza de bestas en liberdade.
Na actualidade nas abas da serra, entre Gondomar e A Guarda, pastan durante todo o ano centos de cabalos salvaxes. Na primavera son reunidos para seren marcados nos curros. O curro da Valga abre en maio a tempada da rapa das bestas, que continúa co de Torroña , sigue co de Mougás, o segundo domingo de xuño, e no terceiro domingo de xuño co de Morgadáns.
Parapente
Sendeirismo
Deportes marítimos (pesca, vela, surf, mergullo..)
Equitación
Talasoterapia
