No río, entre a serra e o mar.
Budiño de Serraseca ocupa un lugar ecoloxicamente privilexiado, na Serra do Argalo, ao pé do Campo de Ocaladiñeira e do cordal que arreda á parroquia de Viladesuso da veciña de Mougás.
A súa herdade de 5.000 m2, á beira do río Broi, conserva a vexetación propria dos bosques de ribeira. Salgueiros, amieiros, loureiros, sabugueiros e sanguiños son, xunto a carballos e castiñeiros, as especies máis abondosas que acubillan unha variada fauna, con aves entre as que salientan diferentes especies de ferreiriños, lavandeiras, merlos, pimpíns, carrizos, gaios, cucos … nos meses de primavera e verán, e pincaouros, tordos, papamoscas negro … no inverno.
